Strandgata 19A

Inngangur í húsið, geymslur og bílskúr ásamt þvottahúsi og snyrtingu eru á neðri hæð.

Á efri hæð eru fjögur rúmgóð svefnherbergi, eldhús, stofa og baðherbergi.

Komið er upp á góðan stigapall og við hlið hans er mjög stór stofa með arni í miðju rýminu. Opið er milli stofu og eldhúss sem er rúmgott og með stórri innréttingu.

Við svefnherbergjagang er baðherbergi með baðkari og sturtu. Eitt svefnherbergjanna er með suðursvölum og svalir eru einnig eftir endilangri norðurhlið hússins.

Stórir gluggar eru til suðurs og handan götunnar er smábátahöfn í mjög fallegu og skemmtilegu umhverfi. Útsýni úr húsinu er mjög fallegt.

Bílastæði eru framan við bílskúrinn og inngang hússins, en einnig eru almenningsbílastæði meðfram húsinu.