Fríðugata 16

Nýtt og vandað raðhús með bílskúr – Fríðugata 16, Þorlákshöfn

Til leigu er nýtt og glæsilegt fjögurra herbergja raðhús á góðum stað við Fríðugötu 16 í Þorlákshöfn, um 200 metra frá nýja leikskólanum. Eignin er alls 150,1 m², þar af 23,6 m² bílskúr, og er laus til afhendingar frá 1. nóvember 2026.

Húsið er í funkisstíl, hátt er til lofts og mikið lagt upp úr vandaðri hönnun. Þrjú rúmgóð svefnherbergi, tvö baðherbergi og björt sameiginleg rými gera eignina að aðlaðandi heimili.

Skipulag og búnaður

Við inngang er anddyri og þaðan gengið inn á gang. Á vinstri hönd er rúmgott svefnherbergi með stórum glugga og fataskáp, ásamt aðalbaðherbergi sérlega rúmgott. Á hægri hönd er innangengt í bílskúr og rúmgott þvottahús með geymsluaðstöðu.

Hjónasvítan er rúmgóð, með góðu skápaplássi, sérbaðherbergi með sturtu og útgengi í garð. Þriðja svefnherbergið er milli hjónaherbergis og stofu og er einnig rúmgott og með fataskáp.

Stofa og eldhús mynda bjart og fallegt alrými. Eldhúsið er með tæplega þriggja metra langri eyju, ísskáp, uppþvottavél og helluborði með innbyggðum gufugleypi. Bílskúrinn er með rafdrifnum hurðaopnara.

Leiguverð og skilmálar

Mánaðarleiga: 395.000 kr. Trygging: 790.000 kr., sem jafngildir tveggja mánaða leigu. Lágmarksleigutími: 24 mánuðir. Laust frá: 1. nóvember 2026. Húsfélagsgjöld eru innifalin í leigu. Leigjandi greiðir fyrir rafmagn, hita og internet. Áhugasamir eru hvattir til að hafa samband við leigusala fyrir nánari upplýsingar og bókun á skoðun. Vinsamlegast látið fylgja stutta kynningu og upplýsingar um fyrirhugaðan flutningsdag.