Vatnagarðar 16

Til leigu er rúmgott og sveigjanlegt atvinnuhúsnæði að Vatnagörðum 16–18 í Reykjavík, alls um 639.7 m².

Eignin býður upp á sérstakt tækifæri fyrir fyrirtæki sem vilja fá húsnæði sérhannað að sinni starfsemi, án þess að þurfa sjálf að standa fyrir umfangsmiklum framkvæmdum við innréttingu þess.

Húsnæðið lagað að þörfum leigutaka

Fyrir liggur núverandi skipulag eignarinnar sem myndar ramma utan um mögulega útfærslu. Leigutaki getur óskað eftir endanlegri hönnun og skipulagi á sínu leigusvæði, að því marki sem það rúmast innan þeirra tæknilegu og skipulagslegu forsendna sem eignin býður upp á.

Þannig er meðal annars hægt að aðlaga fyrirkomulag skrifstofa, fundarherbergja, opinna vinnusvæða og annarra rýma að þörfum viðkomandi fyrirtækis.

Leigusali annast framkvæmdir og fullklárar húsnæðið samkvæmt samþykktri útfærslu áður en það er afhent leigutaka.

Markmiðið er því að leigutaki geti tekið við fullbúnu atvinnuhúsnæði sem hefur verið útfært sérstaklega með þarfir hans í huga.

Sveigjanleg stærð og nýting

Húsnæðið hentar vel fyrir skrifstofur og aðra sambærilega atvinnustarfsemi. Möguleiki er á að ræða leigu á eigninni í heild eða afmörkuðum hluta hennar, eftir umfangi og þörfum leigutaka.

Hæðin samanstendur af Vatnagörðum 16-18 sem er hvor um sig 639,7 m² með sérinngangi, um 3 metra lofthæð og lyftu.

Óskað eftir tilboðum

Ekki hefur verið ákveðið fast leiguverð heldur er óskað eftir tilboðum og fyrirspurnum frá áhugasömum fyrirtækjum og öðrum leigutökum.

Við mat á tilboðum verður meðal annars horft til stærðar leigusvæðis, leigutíma, óska um útfærslu og umfangs framkvæmda sem leigusali tekur að sér.

Áhugasamir aðilar eru hvattir til að hafa samband til að fá nánari upplýsingar, skoða núverandi teikningar og ræða mögulega útfærslu húsnæðisins.