Rúmgóð þriggja svefnherbergja íbúð með stórum svölum í suðurbænum í Hafnarfirði.

Um er að ræða íbúð á tveimur hæðum, miðhæð og rishæð, til leigu við Jófríðarstaðaveg 10 í Hafnarfirði, með þremur svefnherbergjum og tveimur baðherbergjum (þar af eitt með baðkari en hitt er aðeins salerni). Íbúðin er um 90 skráðir fermetrar en gólfflötur er stærri þar sem talsvert er undir súð á rishæðinni. Hjónaherbergið er stórt með rúmgóðum fataskáp og hin herbergin tvö eru minni (barnaherbergi).

Eldhúsið er nýlegt og er búið innbyggðum ísskáp og innbyggðri uppþvottavél.

Stórar svalir með skjólvegg þar sem oft er mjög hlýtt og skjólsælt. Garður með hellulögn kringum húsið, grænu svæði og ýmsum fallegum blómum.

Í göngufæri við leikskóla, grunnskóla, framhaldsskóla, Suðurbæjarlaugina.

Strætóleið 1 stoppar í 2 mín fjarlægð.

Mánaðarleigan er 390.000 ISK. Heildargreiðsla við innflutning er 1.170.000 ISK, sem innifelur fyrstu mánaðarleigu og tveggja mánaða fjárhæð tryggingar að upphæð 780.000 ISK. Leigjendur bera ábyrgð á hita, rafmagni og internetkostnaði. Leigutími er frá 8 til 15 mánuðir. Kettir, nagdýr, fiskar og fuglar eru leyfðir eftir samkomulagi. Reykingar eru ekki leyfðar innan íbúðarinnar. Hámarksfjöldi íbúa er fjórir. Húsgögn eru samningsatriði við leigusala.

Endilega sendið skilaboð með helstu upplýsingum um ykkar hagi, ef áhugi er til staðar.