Glæsilegt og rúmgott einbýlishús á einni hæð umvafið 2.500 fermetra náttúrugarði á frábærum stað í Garðabænum. Húsið var allt endurnýjað að innan árið 2007 og allir gluggar endurnýjaðir. Innbyggð lýsing og gólfhiti er í húsinu. Í húsinu eru í dag tvö svefnherbergi en eru skv. teikningu þrjú. Stór sólpallur umlykur húsið. Í bílskúr sem er 10 metrum frá einbýlishúsinu er íbúð sem leigð er út til atvinnumanns í körfuboltaliði Álftaness, sem lítið fer fyrir.

Nánar um eignina: Forstofa rúmgóð með góðu skápaplássi og flísum á gólfi. Þvottahús er inn af anddyri með góðri innréttingu og flísum á gólfi. Geymsluloft með fellistiga er fyrir ofan þvottahúsið. Útgengt er út í garð úr þvottahúsinu. Sjónvarsphol með parketi á gólfi. Stofa mjög rúmgóð og björt með arinn og parket á gólfi. Útgengt er úr stofunni með stórri rennihurð út á stóran sólpall og út í garðinn. Borðstofa var byggð við húsið 13,5 fermetrar og er ekki inn í skráðum fermetrum eignarinnar, parket á gólfi. Útgengt er út á pall úr borðstofunni. Eldhús með sérsmíðaðri innréttingu, öll eldhústæki frá Miele, innbyggð kaffivél, ofn,gufuofn, innbyggð uppþvottavél, tvöfaldur ísskápur í innréttingunni, eyja með góðu borðplássi og granít borðplötur. Flísar og parket á gólfi. Hjónaherbergi einstaklega rúmgott, gott skápapláss og parket á gólfi. Útgengt er út á sólpall úr hjónaherberginu. Gott annað svefnherbergi með vinnuaðstöðu, skáp og parket á gólfi. Baðherbergi með baðkari, sturtuklefi, gluggi, upphengt salerni, góð innrétting með granít borðplötu og flísalagt í hólf og gólf.